+0 به یه ن
یام نیوز:
آذربایجانلیلارین محبوب تاخیمی تراختور، طرفدارلارینین اوزونو گولدوردو.
اوست
لیگ یاریشلاری چرچیوسینده استقلال تاخیمینین قارشیسینا چیخان تراختورچولار
تاریخ یازدی. تهراندا اوینانماسینا باخمایاراق داها چوخ تراختور
طرفدارینین آزادی استادیوموندا اولماسی، تاخیمین گوجونه گوج قاتدی.
تراختورچولار تهرانین استقلال تاخیمینی، سامان نریمان جهانین 3 و لوسیانو
ادینهونون 1 گلو ایله مغلوب ائتدی. استقلال ین تک گلو ایسه امید
ابراهیمیدن گلدی.
بو سونوجلا تراختور سیرالاما جدولینین ایلک
سیراسینداکی یئرینی ساغلاملاشدیردی. ادینهو ایسه 19 گللا لیگین گل کرالی
عنوانینا صاحبدیر.
بو آرادا تبریزین گسترش فولاد تاخیمی دا تهرانین پرسپولیس تاخیمینی
2-1 سونوجویلا گئریده بوراخدی. بو تاخیمین مربیسی فراز کمالوند، بیر
مصاحبهسینده: "گلن هفته تبریزده تراختورون قهرمانلیغینی قوتلایاجاییق.
اردبیهشت آیی آذربایجان فوتبالینین یاخشی آیی اولاجاق. تراختور گسترشین
بؤیوک قارداشیدیر. بیزدن ده حمایت اولونماسینی آرزو ائدیریرک" دئدی