باخیش
چهارشنبه 25 آذر 1394
بؤلوم | انسان حقلری یازار : یام نیوز
+0 به یه ن

جارچی/ دونیایا آچیلان بیر پنجره, [۱۶.۱۲.۱۵ ۱۱:۰۳]
قادین ،آزادلیق و حقوق.

https://telegram.me/aydinliq

گلنک سل باخیشدا قادین آنادیر، باجی دیر، قیزدیر و حیات یولداشی دیر. بو ایسه قادینلاری یارادیلان قوهوملوق نسبتی ایله اؤلچمک دئمه کدیر. ایشله و چی (کارکرد گرا) باخیشدا ایسه قادین دوکتوردور، مهندس دیر، وکیل دیر، اکینچی دیر، معلم دیر و... بو باخیشدا ایسه، قادینین ده یر معیاری، توپلومدا اوینادیغی رول اساسیندا بیچیملنمک ده دیر.
اما اینسانی باخیشدا قان باغیندان و ایشله و دن اوزاق، قادین اینساندیر و بوتون اینسانا قائل اولونان حاقلار اونادا شامیل اولونور. باشقا سؤزله توپلومدا قادینا مناسبت اقربا و یا منفعتی باخیشدان اؤته داها چوخ اینسانی و حقوقی باخیش اساسیندا تعریفلنمک ده دیر.
بو باخیشدان یارانان سونوج تام حقوقلو وطنداش جمعیتی اولماقلا قالماییب، قادینلاری داها چوخ وار اولان فرصتلردن فایدالانماغا تشویق ائدیب، توپلوم طالعیینده تمل رول آلماغا چاغیریر. بونا گؤره ده بو باخیشدا قادینلیق، برابر حقوق آنلاییشی و آزادلیق مفهومی بیر_بیریندن آیری ساییلمیر تام ترسینه ایچ_ایچه و بیر_بیرینه دایاق مفهوملار ساییلیر. بو مودئل دوشونجه ده صیرف تکلیف یا صیرف گؤره و یوخدور تام ترسینه، اختیار_گؤره و_حقوق آراسیندا چوخ جیدی و پوزولماز ده نگه لر یارانیر. بو ایسه قادینا سایغینی گنل بیر فورمادا بیر ده یر کیمی یایماقلا قالماییب همده قادینا سایغینی بیر حاق و وظیفه کیمی کؤکلندیریر. بو آرادا گلنک ده یری ایله حقوق محورینده اولان چلیشکی، حقوق محورینده غلبه قازانیب و حاکیم قیلینیر. بونون سونوجو ایسه گلنک لرین زامان ایچینده اصلاحی و و داها اینسانی بویوت قازانماسی دیر و گلنک لرین اینسان حقوق و ماهیتینه اویغونلاشدیریلماسی دیر.
باشقا سؤزله گلنک سیلاحی ایله قادین حاقلاری و آزادلیقلارینین ساواشینا گئدیلیرسه زامان ایچینده گلنک لر مغلوب اولاجاق لار. چونکی هئچ بیر گلنک اینسان ماهیتیندن و اینسان حقوقوندان و اینسان آزادلیغیندان اؤنملی دئییل. هر بیر گلنه یین آرخاسیندا داها اینسانی، داها آزاد، داها برابر حقوقلو یاشاماق دوشونجه سی یاتماییرسا او گلنک توپلومو مدافعه ائتمک یئرینه توپلومون آیاغینا باغا چئوریلیب و توپلومو یئنی لیکدن و اینسانی اؤزه للیکلریندن اوزاق ساخلایاجاق.
قادینلارا اولان آزادلیق و حقوق برابرلیی بیر توپلومون اینسانلیق اؤلچو و معیارلاریندان بیری دیر، دئییلیر سه بو فیکیر و گؤروش مبالغه حساب اولونماز.


https://telegram.me/aydinliq

+0 به یه ن

یام نیوز:

قیریم تاتارلاری‌نین افسانه لیدئری، اینسان حاق‌لاری ساوونوجوسو مصطفی عبدالجمیل قیریم‌اوغلو نوبل باریش اؤدولونه نامیزد گؤستریلدی.‌
تاتاریستان، تاتار توپلومو و قیریم تاتار میلی مجلیسی قیریم‌اوغلونون نامیزدلیگینی دستکله‌ییر. بی‌بی‌سی‌نین وئردیگی خبره گؤره مصطفی عبدالجمیل قیریم‌اوغلو بو اؤدوله ان لاییق اینسان. قیریم‌اوغلو قیریم تاتارلارینی اوکراینانین آیریلماز بیر پارچاسی حالینا گتیرمیش‌دیر. سووئت دؤورونده 15 ایلدن چوخ حبس‌خانادا قالمیش، کمپ‌لرده سورگون حیاتی یاشامیشدیر. ایستالین طرفین‌دن وطن‌لرین‌دن سورولن قیریم تاتارلاری‌نین وطنلرینه دؤنوشونو تامین ائتمیش‌دیر.‌ قیریم‌اوغلو نوبل باریش اؤدولونه 2 دفعه نامیزد گؤستریلدی.

+0 به یه ن

یام نیوز:


پاکیستان‌دا، نوبل باریش اؤدولو صاحبی انسان حاق‌لاری ساوونوجوسو ملاله یوسف زیه سالدیران 10 نفرین محاکیمه اولوندوغو دعوادن قرار چیخدی.
قادین حاق‌لاری و قادین‌لارین ائییتیمی ایله ایلگیلی ایشلریله تانینان و 2014.جو ایلده نوبل باریش اؤدولونو آلان یوسف زیه سالدیران 10 طالبان عضوو عؤمور بویو حبسه محکوم اولدو.
ملاله یوسف زی، اکتبر 2012.جی ایلده اوخولا گئتمک اوچون میندیگی اتوبوسدا سلاح‌لی سالدیرییا معروض قالمیشدی.

+0 به یه ن

یام نیوز:

ایسرائیل، زلز‌له‌نین آردین‌دان، داشیییجی آنا دوغان 5 اوشاقینی، نپالدان تخلیه ائتدی

نپال‌داکی زلز‌له، آجی بیر حقیقتی ده گون اوزونه چیخاردی ..
نپال‌لی یوخسول قادین‌لارین باشقا اؤلکه‌لردن گلن اینسان‌لارا داشیییجی آنا‌لیق ائتدیگی اورتایا چیخدی.
ایسرائیل، زلز‌له‌نین آردین‌دان، داشیییجی آنا دوغان 5 اوشاقینی، نپالدان تخلیه ائتدی.
ایسرائیلده قانون‌لار ایجازه وئرمدیگی اوچون، هوموسکسوال جوت‌لر، اؤلکه خاریجین‌دن اؤولادلیغا گؤتورمه یولونو سئچیر.
نپال قانون‌لاری ایسه، اؤلکه مرزلری ایچینده خاریجی‌لره داشیییجی آنالیق ائدیلمه‌سینه ایجازه وئریر.
ایسرائیل‌لی مسئوللار، هله ده نپال‌دا ایسرائیل‌لی اوشاق‌سیز چیفتلرله راضیلاشمیش 80 قدر حامیله داشیییجی آنا اولدوغونو بیلدیردی.
بون‌لارین خاریجینده، ایسرائیل وئریلمک عذره کئچن هفته دوغولموش 25 کؤرپه واردی.
اوّلکی گونکو زلز‌له‌نین آردین‌دان، بو کؤرپه‌لرین 5-ی نیظامی تییاره‌لرله ایسرائیله آپاریلدی.
ایسرائیل خاریجی ایشلر ناظیرلیگی، دیگر 20 کؤرپنی ده ایسرائیل‌لی یئنی آتا آنالاریله بیرلیکده ان قیسا مدتده آزاد ائتمگی پلانلاشدیریر /تی آر تی

باخیش
دوشنبه 7 اردیبهشت 1394
بؤلوم | انسان حقلری یازار : یام نیوز
+0 به یه ن

یام نیوز:

ییخیلان بینا‌لارین داغینتی‌لاری آلتیندا چوخ سایدا آدام وار، بو سببله اؤلو سایسی‌نین آرتماسین‌دان قورخولور.

نپال‌دا اؤلو سایسی آرتیر
نپال‌دا 7 وئرگول 8 بؤیوکلوگونده میدانا گلن زلزه‌له‌ده مین 900-دن چوخ آدام اؤلدو، 5 مینه یاخین آدام دا یارالانیب.
ییخیلان بینا‌لارین داغینتی‌لاری آلتیندا چوخ سایدا آدام وار، بو سببله اؤلو سایسی‌نین آرتماسین‌دان قورخولور.
ییخیلان بینا‌لار آراسیندا یوز ایللر اؤنجه‌دن قالما معبدلر ده وار.
کاتماندودا تاریخی بیر قولله‌نین زلز‌له‌ده یئرله بیر اولماسی نتیجه‌سینده تخمینن 200 نفر داغینتی آلتیندا قالدی.
بؤلگه‌ده آختارما و خیلاص ائتمه ایشلری داوام ائدیر.
اؤلکه‌ده سون 81 ایل ایچینده میدانا گلن بو ان بؤیوک زلز‌له، دونیانین ان یوکسک داغی اورست‌ده ده اوچقون فلاکتینه یول آچدی، 17 داغچی حیاتینی ایتیردی.
زلز‌له قونشو اؤلکه هیندیستانلا بنگلادش‌ده ده جان ایتکی‌سینه سبب اولدو.
هیندیستاندا 51، تبت‌ده 17 و بنگلادش‌ده ایکی نفر حیاتینی ایتیردی.
بو آرادا، زلز‌له فلاکتی‌نین یاشاندیغی نپالا اؤلکه‌لردن یاردیم گؤندریلیر.
تورکیه، زلزله‌نین آردین‌دان بؤلگه‌یه ایلک اعتابدا 25 نفرلیک آختارما قورتارما و 10 نفرلیک ساغلاملیق قروپو گؤندردی.
قروپ اؤزولری ایله مین پتو و 300 قیدا قوتوسو یاردیم وسایلینی فلاکت بؤلگه‌سینه آپاردی.
بو گون ده 45 نفرلیک آختارما و خیلاص ائتمه قروپو ایله بیر ساغلاملیق قروپونون داها حادثه یئرینه سوق ائدیلمه‌سی پلانلاشدیریلیر.
آمریکادا، نپالا اینسانی یاردیم‌لار اوچون 1 میلیون دو‌لار یاردیم ایله طبیعی فلاکت قروپونو گؤندررکن، هیندیستان، 4 تون اینسانی یاردیم داشییان بیر تییاره گؤندردی.
زلز‌له فلاکتی سببیله نپال حکومتینه باش ساغلیغی دیله‌ین ایران دا، احتیاج دویولان اینسانی یاردیم‌لاری چاتدیرماغا حاضر اولدوغونو آچیقلادی.

باخیش
+0 به یه ن

یام نیوز:

تورکیه و آذربایجان‌لی آیدین و یازارلار، 1915 حادثه‌لری ایله باغلی اساس‌سیز ادعا‌لارا قارشی باشکند باکی‌دا بولوشدو

سوی‌قیریم یالانینا آذربایجان‌ین تپکیسی داوام ائدیر.
تورکیه و آذربایجان‌لی آیدین و یازارلار، 1915 حادثه‌لری ایله باغلی اساس‌سیز ادعا‌لارا قارشی باشکند باکی‌دا بولوشدو.
تورکیه آیدین‌لار اوجاغی و آذربایجان مجبوری کؤچکون‌لرین گنج‌لیک تشکیلاتی، سوی‌قیریم یالانینی چوروتمک و خوجا‌لی‌دا یاشانان سوی‌قیریمی دونیایا ائشیتدیرمک آماجی ایله حاضرلانان کیتابی مطبوعاتا تانیتدی.
"خوجا‌لی سوی‌قیریمی، ایکی‌لی ایستاندارد‌لار و 100 ایلین ارمنی یالان‌لاری پروژه‌سی" چرچیوه‌سینده یاییملانان کیتابین آمای خوجا‌لی‌دا یاشانان سوی‌قیریمی دونیایا ائشیتدیرمک و سؤزده سوی‌قیریم ادعا‌لارینا قارشی چیخماق.
تورکیه و آذربایجان‌لی آیدین‌لار سوی‌قیریم یالانینا قارشی بیر سیرا فعالیت ده تشکیل ائده‌جک.

+0 به یه ن

یام نیوز : تبریز شهریندا بیر کوچه بازار ساتیجی شهردارینن مامورلیرینن اذیت سبب یله اؤزینی یاندروب.
آناج سایت یندن آلدیغ میز خبر گوره بو کیشی اؤزون یاندرمه دان قاباق شهرداری مامور لرین دئیب مامور لر بونون تهدیدین مسخره و جدی توتمه یب لر

باخیش
چهارشنبه 5 فروردین 1394
بؤلوم | انسان حقلری یازار : یام نیوز
+0 به یه ن

گئچن ایل مارسدا 31 نفرین اؤلدوگو سالدیری‌دان سورملو توتولان 3 اویغور اعدام ائدیلدی


چین‌ین گونئیینده یوننان ایالتی‌نین مرکزی کونمینگ‌ده‌کی قاتار دوراغیندا گئچن ایل مارسدا 31 نفرین اؤلدوگو سالدیری‌دان سورملو توتولان 3 اویغور اعدام ائدیلدی.
کونمینگ اورتا خالق محکمه‌سی، سالدیرینی تشکیل ائتمک و قصداً آدام اؤلدورمک‌دن گئچن اکتبر آییندا یوننان یوکسک خالق ساوجیلیغی طرفین‌دن اعدامی اونایلانان اسکندر احد، تورگون توختونیاز و حسن محمدین اعدام ائدیلدیگینی آچیقلادی.
سپتامبر آییندا کونمینگ اورتا خالق محکمه‌سینده گؤرولن دعویده، 3 اویغور وطنداشی اعدام جزاسینا محکوم ائدیلمیش و دعوینین باشقا شوبهه‌لی‌سی پاتیگول توختی ایسه سالدیری و قصداً آدام اؤلدورمک سوچون‌دان عؤمور بویو حبسه محکوم ائدیلمیشدی.
اؤلکه‌نین گونئیینده گئچن ایل مارس آییندا یوننان ایالتی‌نین کونمینگ شهرینده بیچاق‌لی بیر قروپون قاتار دوراغینا سالدیرماسی نتیجه‌سینده 31 نفر اؤلموش، 141 نفر یارالانمیشدی. چین اورگان‌لاری، حادثه‌نی "ترور سالدیریسی" اولا‌راق دگرلندیرمیش و سوروملو‌لارین توتولدوغونو آچیقلامیشدی.

باخیش
+0 به یه ن

هئچ بیر دیلین باشقا بیر دیله اوستولوک قورمادیغی، هر دیلین قوتسال اولدوغو بیر دونیا دیله‌گی ایله...

اولوسلارآراسی آنا دیلی گونو یونسکو طرفین‌دن 17 نوامبر 1999.جو ایلده 21 فوریه اولا‌راق آچیقلانمیش‌دیر.
دونیا آنا دیلی گونونون اصل آدی دیلی حرکتی گونودور. بو گون، بنگا‌لی دیلی حرکتی اوچون بنگلادش پلیسی ایله چاتیشان بنگلادش‌لی اونیورسیته اؤیرنجی‌لری‌نین اؤلدورولمه‌سی‌نین ایل‌دؤنومو اولا‌راق قوتلانیر.
اولوسلارآراسی آنا دیلی گونو هر ایل یونسکو عضوو اؤلکه‌لر طرفین‌دن قوتلانماقدا، بونون ساوونوجولاری چوخ دیللیلیگی ده ساوونورلار.
هئچ بیر دیلین باشقا بیر دیله اوستولوک قورمادیغی، هر دیلین قوتسال اولدوغو بیر دونیا دیله‌گی ایله آنا دیلی گونونوز قوتلو اولسون!