+0 به یه ن

یام نیوز:
7-جی پرزیدنتی کنان ائورن، معا‌لیجه گؤردوگو آنکارا گاتا خسته‌خاناسیندا وفات ائتدی.
یاشلیلیغا باغلی چوخ‌لو اورقان چاتمازلیغی سببیله ساغلیق وضعیتی جیددیلشن و چوخ باخیم شعبه‌سینده تنفس جیهازینا باغ‌لانان ائورن، قورتاریلا بیلمه‌دی.
1978-جی ایلده باش قرارگاه باشقانی اولان کنان ائورن وظیفه‌دیکن، تورک سلاح‌لی گوج‌لری 12 سپتامبر 1980-جی ایلده رهبرلیگه ال قویدو.
تورکیه بؤیوک میللت مجلیسی و سئچیلمیش حکومت لغو ائدیلدی. آنایاسا ابطال ائدیلدی.
یاساما و ایجرا مسئوللارینی ایستیفاده ائتمک اوچون میللی گوونلیک شوراسی‌ قورولدو.
ژنرال کنان ائورن، باش قرارگاه باشقان‌لیغی، میللی گوونلیک شوراسی باشقان‌لیغی و دولت باشقان‌لیغی وظیفه‌لرینی بوینونا گؤتوردو.
7 نوامبر 1982 تاریخینده ائدیلن رفراندوملا یئنی آنایاسا قبول ائدیلدی.
1982 آنایاساسی‌نین 1-جی موقتی ماده‌سینه گؤره کنان ائورن پرزیدنت سئچیلدی.
وظیفه مدتینی 1989 تاماملایان ائورن، وظیفه‌سینی تورقوت اؤزال-ا تحویل وئردی.
کنان ائورن حاقیندا ائدیلن جینایت اعلان‌لار اوزرینه 8 آوریل 2011-جی ایلده آنکارا جمهوریتی ساوجیلیغی طرفین‌دن سوروشتورما باشلادیلدی.
4 آوریل 2012-جی ایلده ایسه محاکیمه ائتمه باشلادی.
آنکارا 10-جو آغیر جزا محکمه‌سینده محاکیمه اولونان ائورن حاقیندا، 18 ژوئن 2014 تاریخینده، 12 سپتامبر 1980-جی ایلده دؤورون باش ناظیری سلیمان دمیره‌له مختیرا وئرمک، تورکیه جمهوریتی آنایاساسینی و تورکیه بؤیوک میللت مجلیسینی آرا‌دان قالدیرماغا و وظیفه‌سینی ائتمه‌سینی مانع تؤرتمه‌یه تشببوس گوناهین‌دان اؤمورلوک زیندان جزاسی و ژنرال‌لیک روتبه‌سی‌نین سربازلیغا سالینماسینا قرار وئریلدی.
عالی محکمه‌‌ده تعمیز ائدیلن ادعا گؤرولمکدئیکن ائورن، 98 یاشیندا وفات ائتدی.