+0 به یه ن

یام نیوز:

باکی، 2015 آوروپا اویون‌لارینا حاضیرلاشیر.
تاریخین ایلک آوروپا اویون‌لارینا ائو صاحب‌لیگی ائده‌جک اولان باکی‌دا تکنیکی حاضرلیق‌لار تاماملاندی، بؤیوک المپیک کمپلکس‌لری بیر بیر آیاغا قالدیریلدی، باشکند باش‌دان آشاغی یئنیلندی، باکی ایدمانچی و قوناق‌لاری آغیرلامایا حاضر حالا گتیریلدی.
12-28 ژوئن تاریخ‌لرینده باکی‌دا گئچیریله‌جک 2015 آوروپا اویون‌لارینا حاضرلیق آیلار اؤنجه‌سین‌دن باشلادی.
تانیتیم اوچون لندن المپیک اویون‌لارینی یاپان قروپلا، آچیلیش و قاپانیش مراسیم‌لری اوچون ایسه آتن المپیک اویون‌لارینین سوروملوسو ایله آنلاشیلدی.
آذربایجان آوروپا تاریخی‌نین بو ایلک بؤیوک اورگانیزاسیونوندان اوز آغییلا چیخماغی و 2012.جی ایلده‌‌کی یوروویسیون ماهنی یاریشماسین‌داکی باشاریسینی داوام ائتدیرمه‌یی آماجلاییر.
آذربایجان، آیریجا آوروپانی ایدمانین قارداش‌لیق روحوندا بولوشدورمایی و یئنی آذربایجانی دونیایا تانیتماغی هدفله‌ییر.
بوتون آذربایجان تک اورک حالیندا، بعضی اؤن یارغیلی دایره‌لرین تنقیدلرینه باخمایا‌راق بؤیوک بیر اورگانیزاسیون باشاریسینا داها ایمضا آتماغا حاضیرلاشیر.
"باکی-2015: بیرینجی آوروپا اویون‌لارینا دستک" سیویل توپلوم کوالیسیونو دا اؤزل مقصدلی تنقیدلره قارشی حرکته گئچدی و "باتینین ایکی‌لی ایستانداردلاری: دموکراسی و اینسان حاق‌لاری" قونولو بیر توپلانتی دوزنله‌دی.
"باکی-2015: بیرینجی آوروپا اویون‌لارینا دستک" سیویل توپلوم کوالیسیونو، آوروپانی ایدمانین بیرلشدیریجی روحوندا باکی 2015 آوروپا اویون‌لاریندا بولوشدورمایا و آذربایجانین هر ساحه‌ده الده ائتدیگی گلیشمه‌نی یئرینده گؤرمه‌یه چاغیردی.