+0 به یه ن

یام نیوز: اؤلکه‌ده 9،5 میلیون قیدلی سئچیجی اوچ دولت باشقانی نامیزدین‌دن بیرینی سئچه‌جک  قازاقیستاندا خالق صاندیق باشیندا قازاقیستاندا یئنی دولت باشقانی سئچمک اوچون خالق صاندیق باشینا گئدیر. اؤلکه‌ده 9،5 میلیون قیدلی سئچیجی اوچ دولت باشقانی نامیزدین‌دن بیرینی سئچه‌جک. موجود دولت باشقانی نورسلطان نظربایئو ان گوج‌لو نامیزد اولا‌راق گؤرولدوگو سئچیمده، کوممونیست پارتی‌نین نامیزدی تورگون سیزدیکوو ایله 2009-2011-جی ایللرده نقلیات ناظیری اولا‌راق وظیفه یئرینه یئتیرن مستقیل نامیزد آبئلگازی کوساینوو دا یاریشیر. سئچیم کومیسیونو، ایلک نتیجه‌لری صاباح آچیقلایا‌جاق. نامیزدلردن هئچ بیری یوزده 50ین اوزرینده سس آلمازسا سئچیمین ایکی تورو ان چوخ سس آلان ایکی نامیزد آراسیندا ائدیله‌جک. قازاقیستاندا داها اوّل ائدیلن سئچیم‌لر، اولوسلار آراسی گؤزلمچی‌لر طرفین‌دن ' اساس دموکراتیک قایدا‌لارا اویغون گلمدیگی، یالنیز تعیین اولونان پارتی‌لرین سئچیم‌لره قاتیلا بیلدیغی' سببیله تنقید اولونموشدو. اوروپا گوونلیک و امکداش‌لیق تشکیلاتینا (AGİT) باغلی دموکراتیک قوروملار و اینسان حاق‌لاری اوفیسی (ODIHR) 400 گؤزلمچیله 15 آیری بؤلگه‌ده سئچیم‌لری ایزلییر.