+0 به یه ن

یام نیوز:

اردوغان، ارمنی ادعا‌لارینا دستک وئره‌رک اونلارین آجی‌لارینی پایلاشان‌لاری، حیاتینی ایتیرن 4 میلیون تورکون آجی‌لارینی دا پایلاشماغا چاغیردی

پرزیدنت رجب طیب اردوغان، تورکیه‌نین 1915 اولایلاریلا ایلگیلی حربی آرشیو‌لرینی آچماغا حاضیر اولدوغونو سؤیله‌دی.
اردوغان، چاناق‌قالا قورو ساواشلارینین 100.جو ایلی چرچیوه‌سینده ایستانبول کنگره مرکزینده تشکیل ائدیلن باریش ذیروه‌سینده، بیرینجی دونیا ساواشینین اؤرتولو اولا‌راق داوام ائتدیگینی ایفاده ائده‌رک، دینجلیک و رفاهین تاسیسی اوچون اولوسلارآراسی امکداشلیغین شرط اولدوغونو سؤیله‌دی.
اردوغان، ارمنی دیاسپورونون 1915 حادثه‌لری حاقین‌داکی ادعا‌لاری‌نین تامامیله اساس‌سیز اولدوغونو ایفاده ائده‌رک آوروپا بیرلیگینه بئله سسلندی:
‌‌"بیر میلیونا یاخین بلگه و بیلگینین اولدوغونو هر زامان سؤیله‌ییرم. حتی داها دا ایره‌لی گئدیرم، بیز حربی آرشیولریمیزی ده آچماغا حاضیریق دئییرم. بیزیم بو نقطه‌ده قایغیمیز قورخوموز یوخ‌دور. بیز اینانیریق و بیلیریک کی بیزیم اجدادیمیز ظلم ائتمه‌میشدیر."
یاشانان‌لارا باغلی ایکینجی مئساژینی بو گون گئچیریله‌جک چاناق‌قالا‌داکی آنما مراسیمینده وئرجیینی آچیقلایان پرزیدنت اردوغان، آجی‌لاری یاریشدیرمانین کیمسه‌یه فایدا وئرمه‌یه‌جیینی سؤیله‌دی.
پرزیدنت؛‌"تاریخی، کین و نیفرت آراجی حالینا گتیرمه‌نین، ارمنی توپلومو باشدا اولماق اوزره هئچ کیمه فایداسی یوخ‌دور. چاناق‌قالادا ایشتیراک ائدجییمیز مراسیمده وئرجییمیز باریش و دوستلوق مئساژی نه قدر دوغرودورسا، عینی تاریخده دونیانین بیر چوخ یئرینده ارمنی ادعا‌لاری اوزرین‌دن سرگیلنه‌جک دوشمنجه داورانیش‌لار دا او قدر یانلیشدیر" دئیه دانیشدی.ارمنی ادعا‌لارینا دستک وئره‌رک اونلارین آجی‌لارینی پایلاشان‌لاری، حیاتینی ایتیرن 4 میلیون تورکون آجی‌لارینی دا پایلاشماغا چاغیران پرزیدنت اردوغان، "آجی‌لار آراسیندا آیریم ائتمه‌یین" مئساژی وئردی./قایناق تی،آر،تی