+0 به یه ن

اودتو دوکتور حاکان گورسو، مسابقه‌نین، دونیانین ان پرستیژلی صنایع دیزاین اؤدول‌لری آراسیندا یئر آلدیغینی ایفاده ائده‌رک، دیزاین‌لاری آراسیندا "سولار تاکسی"نین اؤنه چیخدیغینی سؤیله‌دی

تورک دیزاین قروپونا 7 اؤدول بیردن
اودتو‌لو صنایع دیزاین قروپو Designnobis، آمریکانین لوس آنجلس شهرینده تشکیل ائدیلن "اولوسلار آراسی دیزاین اوسکارلاری" مسابقه سینده 7 اؤدول بیردن قازاندی.
اودتو دوکتور حاکان گورسو، مسابقه‌نین، دونیانین ان پرستیژلی صنایع دیزاین اؤدول‌لری آراسیندا یئر آلدیغینی ایفاده ائده‌رک، دیزاین‌لاری آراسیندا "سولار تاکسی"نین اؤنه چیخدیغینی سؤیله‌دی.
"سولار تاکسی" نین الکتریک‌لی بیر واسطه اولا‌راق حاضیرلاندیغینی، عینی زاماندا گونش پانل‌لری سایه‌سینده تمیز انرژیله چالیشدیغینی ایضاح ائدن گورسو، بو دیزاینین نقلیات و آلترناتیو یانا‌جاق‌لی واسطه‌لر کاتقوریلرینده 2نجی‌لیک اؤدولی و مانسیون آلدیغینی بیلدیردی.
Torchia Solar آدلی دیزایندا ایسه داشینان دولدورولماسی و ایشیقلاندیرما مودولو اوچون انرژی قایناغی اولا‌راق گونشین ایستیفاده ائتدیغینی دیله گتیرن گورسو، سولار پانل‌لرله الده ائدیلن انرژی‌نین، جیب تلفونو کیمی داشینا بیلر جیهازلاردا ایستیفاده ائدیله بیلمه‌سینی تامین ائتدیگینی قید ائتدی.
گورسو، عاجیلی وضعیت و فلاکت حالیندا ایشیقلاندیرما و ایشاره‌لمه ائده بیلن دیزاینین داواملی حیات کاتقوریسینده 1ینجی‌لیک اؤدولینه لاییق گؤرولدوگونو ایفاده ائتدی
Scorpion Lamp آدینی وئردیک‌لری دیزاینی دا موجود میز لامپا‌لاری‌نین باش و بوی آیار مکانیزم‌لاری سببیله قیسا زاماندا ثمره‌سیز حالا گلمه‌سینه حلّ یولو اولا‌راق حاضیرلاندیغینی بیل‌دیرن گورسو، دیزاینین هر هانسی بیر مکانیزمی اولمادان بؤیوک بیر فاصیله‌ده تنظیم‌لنن مینیمالیست بیر محصول اولدوغونو قید ائتدی. گورسو، Scorpion Lamp-ین ائو محصوللاری-ایشیقلاندیرما کاتقوریسینده 3ونجولوک اؤدولی آلدیغینی سؤیله‌دی.
گورسو و قروپو، بو دؤرد اؤدولون یانیندا معاصر شهر حیاتینا اویغون تاکسی ایستگاهی "تاکسی استیشن" دیزاینی معمارلیق و دیگر معمارلیق کاتقوری‌لرینده؛ مودول پارچا‌لاردان عبارت اولان و اشیاء بیرلشمه‌لری یاراتماغی تامین ائدن اینوواتیو ست "Modular Hand Tools" ایسه باغچه مبل و آکسه‌سوارلار کاتقوریسینده مانسیون اؤدول‌لرینه لاییق گؤرولدو.
بو اؤدول‌لرله "دونیا اؤدول‌لو شیرکت‌لر" سیرالاماسیندا ایلک 5-ا یوکسه‌لن گورسو و قروپونون سون 8 ایلده جمعی 135 دیزاین اؤدولو وار.