باخیش
پنجشنبه 20 فروردین 1394
بؤلوم | سیاسی یازار : یام نیوز
+0 به یه ن

یام نیوز:

مرکزی آفریقا جمهوریتینده سلکا قروپو عضو‌لری‌نین، 2012-جی ایلین دسامبر آییندا خریستیان پرزیدنتی فرانسوا بوزیز‌ه قارشی قیامی اوزرینه اؤلکه‌ده سیاسی بحران باش وئرمیشدی

کنیادا آتشکس اولدو
کنیادا خریستیان آنتی-بالاکان ایله مسلمان سلکا قروپ‌لاری آراسیندا آتشکس راضیلاشماسی ایمضالاندی.
دولت باشقانی اوهورو کنیاتتا، باشکند نایروبی‌ده ایمضا‌لانان راضیلاشمانین آردین‌دان ائتدیگی آچیقلامادا،
"بو گون، آفریقا اوچون بؤیوک بیر گون. اورتا آفریقا جمهوریتینی یئنی‌دن دینج اؤلکه‌لر بیرلیگینه داخیل ائده‌جک سیاسی راضیلیغا یؤنلیک سرعت‌لی و اهمیت‌لی بیر اینکیشاف قید ائدیلدی" دئدی.
کنیاتتا، مرکزی آفریقا جمهور باشقانی لیدرلرینه، الده ائدیلن آنلاشمانی اینکیشاف ائتدیرمه‌لری چاغیریسینی ائتدی.
مرکزی آفریقا جمهوریتینده سلکا قروپو عضو‌لری‌نین، 2012-جی ایلین دسامبر آییندا خریستیان پرزیدنتی فرانسوا بوزیز‌ه قارشی قیامی اوزرینه اؤلکه‌ده سیاسی بحران باش وئرمیشدی.
بوزیزین مارس 2013 دئوریلمه‌سین‌دن و مسلمان میشل جوتودیا-نین پرزیدنت وظیفه‌سینه گتیریلمه‌سین‌دن سونرا، خریستیان آنتی-بالاکان ایله سلکا قروپ‌لاری آراسیندا چیخان چاتیشما‌لاردا مین‌لرله آدام حیاتینی ایتیرمیش، تخمینن 1 میلیون نفر ائولرینی ترک ائتمک مجبوریتینده قالمیشدی. چاتیشما‌لار، 2،2 میلیون نفرین ده اینسانی یاردیما محتاج حالا گلمه‌سینه یول آچمیشدی.
میشل جوتودیا، وظیفه‌سین‌دن کئچن ایل آیریلمیشدی./قایناق ، تی . آر. تی