باخیش
پنجشنبه 20 فروردین 1394
بؤلوم | اجتماعی یازار : یام نیوز
+0 به یه ن

لاچین آک‌یول، اولوسلارآراسی گنج کامانچی‌لار یاریشماسیندا 23 قاتیلیمچینی گئریده بوراخا‌راق دونیا اوچونجوسو اولدو


 یام نیوز:مرسین اونیورسیته‌سی دؤولت کونسرواتورو کامان بؤلومو اؤیرنجیسی 8 یاشین‌داکی لاچین آک‌یول، بلژیک‌ین نامور شهرینده تشکیل ائدیلن اولوسلارآراسی گنج کامانچی‌لار یاریشماسیندا اؤز کاتگوریسینده 23 قاتیلیمچینی گئریده بوراخا‌راق دونیا اوچونجوسو اولدو.
آلمانیا، فرانسا، روسیا، استونی، سنگاپور، ژاپون، فنلاند، لتونی، بلژیک، لیتوانی، هلند کیمی دونیانین بیر چوخ اؤلکه‌سین‌دن گنج کامانچی‌لارین قاتیلدیغی یاریشمادا لاچین آک‌یول، آیریجا، آدینی اومود وعد ائدن کامانچی‌لار لیسته‌سینه یازدیردی.
لاچین آک‌یولون کامان صنعتچی‌سی آناسی و باله صنعتچی‌سی آتاسی، 2 آیلیق بیر حاضرلیق دؤورو ایله یاریشمایا قاتیلان قیزلاری‌نین الده ائتدیگی نتیجه‌نین سورپریز اولدوغونو سؤیله‌دی.
گله‌جیین کامان اوستاسی اولا‌راق گؤستریلن لاچین ایسه، قاتیلدیغی ایلک اؤنم‌لی یاریشمادا درجه آلماسی‌نین اؤزونو ده سئویندیردیگینی وورغولایا‌راق، داها چوخ چالیشا‌راق اولوسلارآراسی ساحه‌ده سولیست کامانچی اولا‌راق کونسرت وئرمه‌یی هدفله‌دیگینی دیله گتیردی./قایناق تی .آر .تی