+0 به یه ن
یام نیوز: "آوروپا بیرلیگینین داغلیق قاراباغ سورونونون چؤزومونده جدی پوزیسیون آلماسی لازیم" آوروپا بیرلیگینین دوغو امکداشلیق کمیسیونو هیاتی، آذربایجانا سفر ائتدی. باشکند باکیدا اولان آوروپا بیرلیگینین قونشولوق سیاستی و گئنیشلنمه مذاکیرهلریندن سوروملو کمیسری یوهان خان، آذربایجان پرزیدنتی ایلهام علییئو طرفیندن قبول ائدیلدی. گؤروشمهده آذربایجان ایله آوروپا بیرلیگی آراسیندا امکداشلیق ایلیشکیلرینین گلیشدیریلمهسینین اؤنمی وورغولانیب، اینسان حاقلاری ایله فیکیر و گؤستری اؤزگورلویو قونولارینداکی گلیشمهلر اله آلیندی. آذربایجان خاریجی ایشلر باخانی ائلمار محمدیاروو دا هیاتی قبولوندا آوروپا بیرلیگینین داغلیق قاراباغ سورونونون چؤزومونده جدی پوزیسیون آلماسی لازیم اولدوغونو ایفاده ائتدی. مؤوجود وضعیتین قبول ائدیلهبیلمز اولدوغونو بیلدیرن محمدیاروو، موناقیشهنین حلی اوچون ارمنیستان سلاحلی گوجلرینین ایشغال ائدیلمیش آذربایجان تورپاقلاریندان چیخاریلماسی لازیم اولدوغونو وورغولادی./ قایناق تی آر تی