یام نیوز:تی آر تی دن آلینان معلوماتا گؤره، دونن سلیمان شاه سایقی کاراکولونداکی 40ی آشان عسگر اوچون تخلیه هدفی ایله عملیات تشکیل ائتدی.
گئجه یاریسینا دوغرو قارادان گؤندریلن بیرلیک، مرزی کئچهرک، پولیس مرکزینه دوغرو حرکته کئچدی.
تورک سلاحلی گوجلرینین هاوا قوّتلری ده قارادان حرکته کئچن بیرلیگی یاخین تعقیبه آلدی.
عملیاتلا علاقهدار گئنیش آچیقلامانی باش ناظیر احمد داوود اوغلو گنل قورمای قرارگاهیندا ائدهجک.
تورکیه
مرزلری ائشییندکی تک تورپاق پارچامیز اولان سلیمان شاه سایقی پولیس مرکزی و
توربهسینده تورک سلاحلی گوجلرینین تشکیل ائتدیگی عملیاتا 50 تانک
قاتیلدی.
هاوا گوجلرینه باغلی اف-16 تییارهلری ده مرزده قوروما اوچوشونا باشلادی.
آیریجا هاوا گوجلری ده حاضیر اولاراق گؤزلدیلدی.
پولیس بؤلمهسینده وظیفه یئرینه یئتیرن 44 اؤزل تیم عسگری ده بؤلگهده اولان گرگینلیک سببی ایله تورکیهیه گتیریلدی.
باش
ناظیر احمد داوود اوغلو، "اجدادیمیزین امانتی سلیمان شاهین قبری سوریه
ایچیندکی یئنی مکانینا موقتی اولاراق نقل ائدیلمک عذره اؤلکهمیزه
گتیریلمیشدیر" دئدی.
داوود اوغلو، "سلیمان شاهین جسدینین نقل
ائدیلهجگی سوریه اشمهسینده بیر بؤلگه اوردوموز طرفیندن نظارت آلتینا
آلینمیش بایراغیمیز گؤندره چکیلمیشدیر" ایفادهلرینی ایستیفاده ائتدی.
دیگر
طرفدن، اوپراسیونوون سوق و ایدارهسینی گئجه بویو تعقیب ائدن پرزیدنت رجب
طیب اردوغان، باش ناظیر احمد داوود اوغلو، باش قرارگاه باشقانی ژنرال نجدت
اؤزل ایله قارا گوجلری قوموتانی ژنرال هولوسی آکار-ا تلفون ائدرک
قوتلادی.