یام نیوز : تی آر تی آگئنتیندن آلدیغی خبره گوره: سیناور قدیروو، قیریمدان سورگون ائتدیلن دؤردونجو شخص اولدو
قیریمدان اوکراینایا گئچمک ایستهین، قیریم تاتار خالقینین
حاقلارینین قوروما کمیتهسی کووردیناتورلاری آبمجید سلیمانوو، اسکندر
باریئو و سیناور قدیروو قیریم ایله سرحد کنترل نقطهسینده دوردورولدو.
اوکراینانین
هرسون شهریندن ساغلیق معاینهسی اوچون ایستانبولا گئتمهیی
پلانلاشدیران سؤز قونوسو شخصلرین روس سرحد محافظلری طرفیندن
دوردورولدوغو و سرحدده 7 ساعات توتولدوغو بیلدیریلدی.
داها سونرا اسکندر باریئو و آبمجید سلیمانوو سربست بوراخیلدی.
سیناور قدیروو ایسه ارمنیبازار شهری محکمهسینه آپاریلدی.
محکمه،
سیناور قدیرووون روسیا کؤچ یاسالارینی پوزدوغونو ایرهلی سورهرک حاقیندا 2
مین روبل پول جزاسی و سینیردیشی ائتمه قراری چیخاردی.
محکمهده، روس
پاسپورتو آلماغی رد ائدن و اوکراینا وطنداشی اولان قدیرووون روسیادا
خاریجیلرین ان چوخ آرالیقسیز قالابیلدیغی 90 گونلوک مدتی گئچدیگی ادعا
ائدیلدی.
اویسا قدیرووون دسامبر آییندا قیریمدان چیخدیغی، داها سونرا تکرار یاریم آدایا گیردیگی بیلدیریلیر.
قدیروو، محکمه قرارینا اعتراض ائدجیینی آچیقلادی.
سیناور قدیروو، قیریمدان سورگون ائتدیلن دؤردونجو شخص اولدو.
داها
اؤنجه قیریم تاتار خالقینین میلی لیدئری مصطفی عبدالجمیل قیریم اوغلو،
قیریم تاتار میلی مجلیسی باشقانی رفعت چوباروو و قیریم تاتار میلی مجلیسی
باشقانی تورکیه مشاویری، قیریم خبر آژانسی کووردیناتورو عصمت یوکسهله 5
ایل مدتله قیریما گیریش قاداغان ائدیلمیشدی.