+0 به یه ن

یا م نیوز : TRT سایتیدن آلدیغی خبره گوره:تورک قیزیل‌آیی، عراقین باشکندی بغداددا موصول و تلعفرلی 300 تورکمن سیغینماچییا قیدا یاردیمی ائتدی.
عراق انسانی یاردیم سوروم‌لوسو شفق لوستار، ایراق قیزیل‌آیی ایله امکداش‌لیق ایچینده بغداد، کربلا و نجف‌دکی عراق‌لی سیغینماچی‌لارا انسانی یاردیم‌لارا داوام ائده‌جک‌لرینی ایفاده ائتدی.
قیزیل‌آیین، عراقین گونئیین‌ده‌کی سیغینماچی‌لارین بارینماسی/یئرلشمه‌سی اوچون مین کانتینر حاضیرلادیغینی سؤیله‌ین لوستار، بغداد رهبرلیگی‌نین بو یاردیما ایستی باخدیغینی دیله گتیردی.
لوستار، باشقانی احمد لوطفی آکارین، باشباخان کؤمکچی‌سی صالح موطلق، خاریجی ایشلر باخانی ابراهیم جعفری، عراق قیزیل‌آیی باشقانی دکتر یاسین احمد عباس و بغداد والی‌سی علی محسن التمیمی ایله اولدوقجا وئریملی دانیشیق‌لار گرچکلشدیردیگینی ایفاده ائتدی.
شفق لوستار، قیزیل‌آیین، بغدادداکی کؤمک ایشلری‌نین اؤزللیکله تورکمن‌لری سئویندیردیگینی قید ائتدی.
عراقدا چاتیشما‌لارین باشلادیغی ژوئن آیین‌دان بو یانا انسانی یاردیم ایشلری یئریدن تورکیه، بؤلگه‌یه 725 تریلرله انسانی کؤمک گؤندردی. تورکیه آیریجا دوهوق‌دا 20 مینی آشان سیغینماچی‌نین سیغیندیغی ایکی مدرن دوشرگه‌نی خیدمته آچدی