+0 به یه ن
گیروو بحرانی ایله دونیا گوندمینه اوتوران ایشید، سالدیری‌لارینی دا آرتیردی.
عراقین کرکوک ائلینده کوچه‌یه چیخما قاداغانی اعلان ائدیلرکن، بغداددا میدانا گلن پاتلامادا 13 نفر اؤلدو، 18 نفر ده یارالاندی
ترور هؤرگوتو ایشید، کرکوک شهر مرکزینده آساییش قرارگاهی‌نین اولدوغو بؤلگه‌یه بومبا‌لی اتومبیلله سالدیردی.
سالدیری‌لاردا کورد سلاح‌لی قوه‌لری‌نین 1.جی توغای قوموتانی و 6 عسگر اؤلدو.
3 ایشید میلیتانی یئنه کرکوک مرکزینده بیر هتله هوجوم ائتدی.
بیر
میلیتان انتحار ائیلمینی حیاتا گئچیررکن، باشقا 2 میلیتان اوزرلرین‌دکی
بومبا‌لاری پاتلادامما‌دان گوونلیک گوج‌لرین طرفین‌دن توتولدو.
کورد قروپ‌لار هتل و اطرافی‌نین کنترلونو تامامیله اله گئچیررکن، چاتیشما‌لار کرکوکون گونئیینده داوام ائدیر.
عراق کورد بؤلگه‌سل رهبرلیگی باشقان کؤمکچی‌سی کوسرت رسول، دستک اوچون امرین‌دکی توغایلا کرکوکه گلدیگی ایفاده ائدیلدی.
شهرده کوچه‌یه چیخما قاداغانی داوام ائدیر.
بغداددا دا قان دورمور.
انتحار سالدیریسیندا 13 نفر اؤلدو، 18 نفر یارالاندی.
بغدادین آیری آیری بؤلگه‌لرینده تشکیل ائدیلن سالدیری‌لاردا دا 8 نفر اؤلموش، 23 نفر یارالانمیشدی.
بو
آرادا اردن حکومتی، ایشیدین الین‌دکی گیروو‌لارا قارشی‌لیق سربست
بوراخیلماسینی ایستدیگی ساجده الریشاوی‌نین هله اؤلکه‌ده اولدوغونو
آچیقلادی.
اردن حکومتی گیروو دییشیمینه حاضر اولدوغونو سؤیلمیش، آنجاق ترور هؤرگوتو هله بیر مئساژ یایینلامامیشدی.
اؤته یاندان سوریه‌ده ده چاتیشما‌لار بوتون سورعتیله داوام ائدیر.
اؤزگور سوریه اوردوسونون رژیم گوج‌لرینه عاید بیر ساواش اوچاغینی دوشوردوگو بیلدیریلیر.
